ඉරාජ් වීරරත්න ගේ ස්වීටි මැණික ගීතය රස විඳිමු

මෑත කාලයේ ලාංකීය සාහිත්‍ය පුනරුදයත් සමඟ ඉතා අලංකාරවත් ගී පද රචනා බිහිවෙමින් පවතී,විසි එක් වසරක කුරිරු යුධ ත්‍රස්තවාදයෙන් රට බේරාගත් මහින්ද රාජපක්ෂ අති ගරු ජනාධිපති තුමාගේ මහින්ද චින්තනය යටතේ නිදහසේ සුවය විඳින ජනතාවක් සිටින රටක සුන්දර සාහිත්‍යක් බිහිවීම අරුමයක් නොවේ. :P
                                         සාහිත්‍ය රසාස්වාදයක් සඳහා අද මා ‍තෝරා ගනු ලැබුවේ ඉරාජ් වීරරත්න ගේ ස්වීටි මැණික ගීතයයි.මෙහි මා දු‍ටු විශේෂත්වය නම් සරළ වාග්මාලවක් තුලින් ගැඹුරු අර්තයක් ගෙන හැර පෑමට පද රචකයා දක්වා ඇති ප්‍රවීන බවයි.
                                                                                     සමස්ත ගීතය දෙසට පුළුල් බැල්මක් හෙලූ කල මෙය තහනම් ආදරයක් වටා ගොඩනැගුණු සිද්ධිදාමයක් බව පෙනී යයි.එය තහවුරු වන්නේ
"මල් මද හාසේ උතුරයි දැසේ
ලෝකෙට රහසේ
ඉදපන් පහසේ" නැමති පද පේළිය විමසා බැලීමෙනි.එය තහනම් ආදරයක් වුවද එමඟින් ඔවුන් උපරිම තෘප්තියක් ලබන බව මෙයින් මොකට පැහැදිලි වෙයි.

"නුඹ නැති දීගේ රස නෑ නෝනේ
තුරුලට පැනපන් මාගේ"
                                      මෙම පැදි පේළියෙන් පැහැදිලිවන්නේ මෙම විවාහක පෙම්වතා සිය බිරිදගේ ආදරයට අනියම් පෙම්වතියගේ ආදරය සමාන කරන අවස්තාවකි.බිරිඳගෙන් ඔහුට නොලැබෙන සුවයක් අනියම් පෙම්වතියගෙන් ලැබෙන බව මෙයින් පැහෑදිලි වේ.

"පපුවම මාගේ ගින්දර වගේ
මන් හරි හැන්සම් නෝනේ"
රාගය නැමති ගින්නෙන් තමා දැවෙන්නේ ස්වකීය රූමත් බව නිසා බව ඔහුගේ හිතේ කෙලවරක දෝංකාර දෙයි.අනියමාර්තයෙන් මෙයින් පැහැදිලිවන්නේ තමා කම් සැප වින්දත් එය තාවකාලික වින්දනයක් බව මෙම පුද්ගලයාට පැහැදිලිවී ඇති බවයි.

"රොමියො ජුලියට් වාගේ අපි දෙන්නා
මයෙ කළු කෙල්ලේ අදරේ දල්ලේ
උඹ මාගේ පණමයි හිතුනා"වර්තමානයේ බොහෝ දික්කසාද වලට හේතුවී ඇත්තේ සැමියා බිරිඳ අතර විශ්වාසභංගත්වයයි.ආදරයට සුදු කළු භේදයක් නොමැතිබවත් තමන්ට දැනෙන ආකාරයට පෙම් කරන පෙම්වතියක් සිටීම පිරිමියෙකුට මහත් අස්වැසිල්ලක් බවත් මෙයින් ඉතා හොඳින් පැහැදිලි වෙයි.තම පෙම්වතිය ජුලියට්ට සමාන කිරීමෙන් ඔවුන් අතර පවතින දැඩි බැඳීම විදහා දක්වයි.

"කළු නෝටි කෙල්ල
ස්වීටි මැණික මාගේ
මන් ඔන්න අවා
උම්මා උම්මා ඔනේ" තම පෙම්වතියගේ වැරදි ඇති බව තරුණයා දන්නා බවක් පෙන්වීම සඳහා "කළු නෝටි කෙල්ල" නැමති පදයත් එමඟින් ඇගේ සිතට දුකක් දැනේයයි සිතා "ස්වීටි මැණික" යන පදය භාවිතාකර ඇයව සනසා ඇත."මන් ඔන්න අවා,,
උම්මා උම්මා ඔනේ"නැමැති පදයෙන් පැහැදිලි වන්නේ තම පෙම්වතිය බොහෝ කලක් තිස්සේ තමන් වෙත පැමිනෙන්න යැයි කරන ලද ආයාචනය මල්ඵල ගැනීමක් ලෙස පෙම්වතා පෙම්වතිය වෙත පැමිණ ඇති බවයි.

"අදුරු වලට ළඟම පාට කළු ලු
ඊට වඩා මගේ මැණික සුදු ලු
මටම කැපෙන හොට්ම පාට තලේළු
කියන්නේ මන් විරිදු......."පෙම්වතියගේ ඇති නරක පිළිගැනීමට ඔහු අකමැත්තක් දක්වයි.තමාගේත් සුළු වැරදි ඇති නිසා ඒය ගැටලුවක් නොමැති බව ඔහු සිතයි.
                                                                   සමස්තයක් ලෙස ගත් කල මෙය අප සැමට සිතන්නට යමක් ඉතිරිකරන අගනා නිර්මාණයකි.

තවත් විචාරයකින් නැවත හමුවෙමු.

-අර්ජුන ප්‍රේමචන්ද්‍ර-

ටිං කැබලි ජීවිතය

ඉහ නිකට පැහුනමුත්
හිතේ ඇත වෙර විරිය
ඉ රුණු හිල් කමිසයට
හැඩයි ඉරි ඇති සරම

දෙපා වාරුත් නොමැත
නමුත් මට කාරි නැත
වාරු කර මගේ දෑත
කරත්තේ ලී බඳට
හවස් වෙනතුරුම මම
ඇවිද යමි මඟ දිගට

ගිණි ගන්න මහ පොළොව
හුරුය මට හැමදාම
හිල් වැ‍ටුනු මිරි වැඩිය
දවයි මගේ පා යුගල

ටිං කබල් මඟ දෙපස
තමයි මගේ බත් වේල
යා යුතුය තවත් දුර
පණ කෙන්ද ඇත සවිය

-අර්ජුන ප්‍රේමචන්ද්‍ර-

බංකුව කියූ කතාව

බංකුව කියූ කතාව

එපා වෙලා ඉන්නට එක තැනට වෙලා
මුහුදු හුළං අවු වැසි මට එපා වෙලා
ඉපදුනු දා පටන් මම මෙතනාටම වෙලා
හිටියේ කතාවට කවුරුත් එයිද කියා

ඇත දිගටම මා වැනි උන් තව පේළී
උන්ටත් කතන්දර ඇත කියනට මල්ලී
පුලුවන් වුනොත් මෙතනින් යනවිට මල්ලී
උන්ටත් කතා කරලා පලයං මල්ලී

පුංචි දරුවො නම් හැමදාමත් එනවා
උන්ගේ නැ‍ටුම් බලලා මම තු‍ටු වෙනවා
මටත් ඇවිද යන්නටනම් සිත් දෙනවා
දෙපා ගැට ගසා නැතිනම් මම යනවා

ගැහැණු මිනිස්සුන් එයි ඇති බෝ කට කාර
මුහුදේ සද්දේ පැරදෙයි උන්ගේ හඬට
තල් අත්තට බොරළු කැට වදිනා ලෙසට
ඉවසනු කෙලෙස උන්ගේ ඇති කච කචය

ඉඳහිට මහළු මිනිසුන් මා වෙත එනවා
ඈත මුහුදෙ ‍රැළි ගනිමින් ලත වෙනවා
දිසාපති පුතුන් පු‍ටුවල වැජඹෙනවා
මහළු මව්පියන් මහමඟ ලත වෙනවා

සක්යා රොටරි පන්තිත් මෙහි තියෙන්නේ
පංති සල්ලි අඹ අන්නසි වී කන්නේ
පත්ත්නි මවුන් විලසින් ගෙදරින් එන්නේ
දහ අට සන්නි මෙහි විත් උන් නටන්නේ

හයි ෆයි කපල් හවසට රෑටත් එනවා
අද එක්කෙනෙක් හෙට තවෙකෙක් හා එනවා
සුරතේ වෙලී හෙමිහිට එහෙ මෙහෙ යනවා
ඇවිදින් එකම පෙම් බස් ටික මුමුණනවා

තනිකඩ එවුන් පැය ගනනක් මෙතනට වී
එහෙ මෙහෙ බලයි කරනට කිසි දෙයක් නැතී
අනේ මටත් කෙල්ලෙක් සිටියනම් සිතී
පුරුදු තනිකමෙන් ආපසු ගෙදර යතී

ජීවිත එපා වී සමහරු එනවා
හෙමින් සැරේ ගොස් මුහුදට බිලි වෙනවා
ඒවා හෙමි හෙමින් අමතක වී යනවා
තවත් දිනක් මේ ලෙසටම නිම වෙනවා

-අර්ජුන ප්‍රේමචන්ද්‍ර-

වහලයේ හිලෙන් ලෝකය දකිමි